பிடியதன் உருவுமை கொளமிகு கரியது

வடிகொடு தனதடி வழிபடு மவரிடர்

கடி *கணபதி* வர அருளினன் மிகுகொடை

வடிவினர் பயில்வலி வலமுறை யிறையே.

மல்லல் நீடிய வலிவலம் கோளிலி முதலாத்

தொல்லை நான்மறை முதல்வர் தம் பதி பல தொழுதே

எல்லையில் திருப்பதிகங்களால் பணிந்து ஏத்தி

அல்லல் தீர்ப்பவர் மீண்டும் ஆரூர் தொழப் போந்தார். 

"இடர் கடி கணபதி வர அருளினன்" என்னும் திருஞான சம்பந்தரின் திருவாக்கிற்கு இசைய  "அல்லல் தீர்ப்பவர்" என்னும்  பெரிய. புராணத் திருவார்த்தையை எண்ணி எண்ணி இன்புறலாம்...!

இப்படி எந்த தேவாரப் பாடலை எடுத்தாலும்  அதற்குரிய பண்ணைத் தெரிய முனைந்தால், அதற்கான இசை மயக்கத்திலே மாயைதனை உதறலாம்.

திருத்தலம் பற்றிய விவரங்களை அறிய முற்பட்டால், தலப்பயணத்தில் நாட்டம் கொண்டு வல்வினையை சுடலாம்.

திருப்பதிகத்திற்கு உரிய பெரிய புராணப் பாடலை வரலாற்று முறையில் உணரத் தொடங்கினால் அவர்கள் பெருமை தெரிய,நம்முடைய சிறுமை புரிய, மலம் (ஆணவம்) சாய அமுக்கலாம்  அன்றோ...!

மாயைதனை உதறி வல்வினையை சுட்டு மலம்

சாய அமுக்கி அருள்தான் எடுத்து - நேயத்தால்

ஆனந்த வாரிதியில் ஆன்மாவை தான் அழுத்த்ல் தான்

எந்தையார் பரதம் தான்.